The news is by your side.

Advertisement

پنجاب : مختلف شہروں میں9 مجرموں کو لٹکا دیا گیا

پنجاب: مختلف شہروں میں نو مجرموں کو تختہ دار پر لٹکادیا گیا جبکہ تین مجرموں کی پھانسی روک دی گئی۔

ملک بھرمیں مجرموں کو ان کے گناہوں کی سزاد ینے کا سلسلہ جاری ہے، آج پنجاب کے مختلف شہروں میں سزائے موت کے منتظر نو قیدیوں کی زندگی کا سفر تمام ہوا. ڈسٹرکٹ جیل جھنگ میں دو قیدیوں غلام محمد اور ذاکرحسین کو جلادنے کیفرکردار تک پہنچایا۔

فیصل آباد سینٹرل جیل میں دوہرے قتل میں ملوث سعید اور شفاقت کو پھانسی دی گئی، اڈیالہ جیل راولپنڈی میں قتل کےجرم میں دو قیدیوں شوکت علی اورمحمد شبیر کو سولی پر چڑھایا گیا، اٹک ڈسٹرکٹ جیل میں شادی کےتنازعےپرایک ہی خاندان تین افراد کو موت کی نیند سلانے والے اسد خان کو تختہ دار پر لٹکایا گیا۔

میانوالی میں سینٹرل جیل میں ایک شخص کی جان لینے والااحمد نواز انجام کو پہنچا، کوٹ لکھپت جیل لاہور میں سزائےموت کے منتظر قیدی طاہربشیرکی سزپرعملدرآمد ہوا۔فیصل آباد میں ایک اورگجرات میں دومجرموں کی سزاپرعملدرآمد روک دیا گیا۔

فیصل آباد میں احسان کو لواحقین نے معاف کیا تو گجرات میں مجرم محمد زمان اوراظہرمحمودکی پھانسی لواحقین سے صلح کے بعد ٹل گئی ۔

گزشتہ روز کراچی سمیت مختلف شہروں میں بارہ مجرموں کو تختہ دار پر لٹکادیا گیا جبکہ دو کی سزا آخری لمحوں میں روک دی گئی تھی۔

ڈسٹرکٹ جیل جھنگ میں تین مجرموں مبشر، شریف اور ریاض کی سزائے موت پر عمل درآمد کیا گیا، مجرم ریاض نےانیس سو پچانوے میں گھریلو جھگڑے پر ایک شخص کو قتل کیا تھا جبکہ مبشر اور شریف نے انیس سو اٹھانوے میں ٹیکسی ڈرائیور کو اغوا کےبعدماردیا تھا۔

بدبخت ظفر اقبال کو اپنے باپ کے قتل اور مجرم رب نواز کو ایک خاتون کوقتل کرنے پر ڈسٹرکٹ جیل میانوالی میں سولی پرچڑھایا گیا تھا، سینٹرل جیل کراچی میں محمدافضل اورمحمدفیصل کوتختہ دارپر لٹکایاگیا، مجرموں نےکورنگی میں دوران ڈکیتی ایک شخص عبدالجبار کوقتل کیاتھا، اڈیالہ جیل راولپنڈی میں قتل کے دو مجرموں کوملک ندیم اورمحمد جاویدکو پھانسی دی گئی، سینٹرل جیل ملتان میں بھی ایک مجرم کےگلے میں پھانسی کا پھندا ڈالاگیا۔

درندہ صفت ظفراقبال نے بچی کو زیادتی کے بعد موت کے گھاٹ اتارا تھا، سینٹرل جیل فیصل آباد میں مجرم محمد نواز کو تختہ دار پر لٹکایا گیا، مجرم نواز نےانیس سو بانوے میں معمولی تنازعے پرایک شخص کوقتل کردیا تھا، گوجرانوالہ کی سینٹرل جیل میں ایک شخص کے قاتل محمداقبال کوپھانسی دی گئی جبکہ ڈیرہ غازی خان اورملتان میں سزائےموت کےمنتظرقیدیوں کو مقتول کےورثا نےعین پھانسی کے وقت معاف کردیا۔ جس کےبعد دونوں مجرموں کی پھانسی موخر کردی گئی۔

Print Friendly, PDF & Email

Comments

comments

یہ بھی پڑھیں