لاہور : پنجاب میں بڑے پیمانے پر تخریب کاری کا منصوبہ ناکام بنادیا گیا، سی ٹی ڈی نے کالعدم جماعتوں کے 5 دہشت گردوں کو گرفتار کرلیا۔
تفصیلات کے مطابق لاہور سمیت پنجاب کے3 اضلاع میں سی ٹی ڈی نے کارروائیاں کیں ، کارروائی کے دوران کالعدم جماعتوں کے5 دہشت گردوں کو گرفتار کرلیا۔
سی ٹی ڈی حکام نے بتایا کہ دہشت گرد صوبے میں بڑے پیمانے پر تخریب کاری کا منصوبہ بناچکے تھے۔
حکام کا کہنا تھا کہ لاہور سے گرفتار دہشت گرد کی شناخت محمودموسیٰ کے نام سے ہوئی ، محمدموسی ٰکالعدم ٹی ٹی پی کا اہم کارندہ ہے۔
آئی جی پنجاب کی ہدایت پر رواں ہفتے 458 کومبنگ آپریشن کیےگئے، کومبنگ آپریشنز میں 97 مشتبہ افراد کو گرفتار کیا اور 52 مقدمات درج کیےگئے۔
