پنجاب میں سی این جی کی فراہمی بند کرنے کا فیصلہ -
The news is by your side.

Advertisement

پنجاب میں سی این جی کی فراہمی بند کرنے کا فیصلہ

لاہور : حکومت نے مہنگی ایل این جی کیلئے راہ ہموار کرنا شروع کردی۔ حکومت کی ہدایت پرسوئی گیس ادارے نے پنجاب میں مستقل بنیادوں پر سی این جی کی فراہمی بند کرنے کا فیصلہ کیا ہے۔

حکومت نے قطر سے ایل این جی درآمد کرنے کا فیصلہ کیا ہے اور سندھ کی جانب سے اس کی خریداری میں عدم دلچسپی کے باعث اب حکومت پنجاب میں اس کی راہ ہموار کر رہی ہے۔

اس ضمن میں حکومت نے ایس این جی پی ایل کو ہدایات جاری کی ہیں کہ پنجاب بھر کے سی این جی اسٹیشنز کو گیس کی فراہمی مکمل طور پر بند کرنے کا کہا ہے۔

ذرائع کے مطابق سوئی نادرن کاکہنا ہے کہ پنجاب میں سی این جی سیکٹر اپنی ایل این جی درآمد کرے۔اس صورت حال سے سی این جی سیکٹر کو آگاہ کر دیا گیا ہے۔

لاہورسیمت پنجاب بھر میں پندرہ مارچ سے سی این جی اسٹیشنز کو گیس کی فراہمی بحال ہونا تھی جو اب نہیں ہوگی۔سی این جی اسٹینز کو گیس بندش کے بعد اضافی گیس صنعتی سیکٹر کو دی جائے گی۔

Comments

comments

یہ بھی پڑھیں