The news is by your side.

Advertisement

پنجاب پولیس نے مردو خواتین پر مشتمل خصوصی دستہ تیار کرلیا

اسلام آباد: پنجاب حکومت کی جانب سے غیر منظم مظاہرین پر قابو پانے اور انہیں منتشر کرنے کی صلاحیتوں سے بھر پور پولیس کا خصوصی دستہ تیار کر لیا ہے۔

ملک میں جاری غیر منظم اور مشتعل مظاہروں پر قابو پانے کے لئے وزیر اعلی پنجاب کی خصوصی ہدایت پر پنجاب پولیس میں پہلی با ر مرد و خواتین اہلکاروں پر مشتمل ایک خصوصی دستہ تیار کیا گیا ہے جن کا کام غیر منظم اور مشتعل مظاہرین پرکم سے کم وقت میں بغیر کسی جانی و مالی نقصان کے انتہائی مہارت، چابکدستی سے نہ صرف قابو پانا ہے بلکہ ضرورت پڑنے پر انہیں منتشر یا موقع پرگرفتار کرنا بھی ہے ۔

خصوصی تربیت یافتہ دستے کے نو ماہ کے تربیتی کورس کی پہلی سہ ماہی مکمل ہونے پر پولیس کالج سہالہ اسلام آباد میں خصوصی تقریب منعقد ہوئی جس کے مہمان خصوصی پنجاب کے وزیر داخلہ کرنل (ر) شجاع خانزادہ تھے ۔تقریب کے دوران خصوصی دستے نے اپنی تربیت اور صلاحیتوں کے بھر پور عملی جوہر دکھائے ۔

تربیت مکمل کرنے والے جونیئر پولیس افسران کا کہنا تھا کہ وہ اعلی تعلیم یافتہ ہونے کے باعث لاٹھی گولی کلچر کے سخت خلاف ہیں، پولیس اہلکار نو تربیت یافتہ خصوصی دستے کو تیس نومبر کو تحریک انصاف کے جلسے کے موقع پر اتارنے پر غور جاری ہے ۔جو اس خصوصی دستے کا پہلا امتحان بھی ہو گا، تاہم دیکھنا یہ ہے کہ یہ دستہ حکومت کو اپنی حاصل شدہ تربیت سے کس قدر نتائج دینے میں کامیاب ہو تا ہے ۔

Print Friendly, PDF & Email

Comments

comments

یہ بھی پڑھیں