site
stats
پاکستان

پنجاب پولیس کا کریک ڈاؤن، درجنوں پی ٹی آئی اور پی اے ٹی کارکنان گرفتار

لاہور: چودہ اگست کے آزادی اورانقلاب مارچ میں رکاوٹیں ڈالنے کے لیے حکومتی ادارے متحرک ہوگئے ہیں، کارکنان کی گرفتاریوں اور راستے سیل کرنے کا عمل تیزہوگیا جبکہ راستے بند کرنے کے لئے ناکوں کا جال بچھا دیا گیا ہے۔

پنجاب بھر میں حکومت کے خلاف احتجاجی کال پرعوامی تحریک اور پاکستان تحریک انصاف کے کارکنان کی پکڑ دھکڑ کا سلسلہ نہ رک سکا، جڑانوالہ میں پولیس نے اب تک پی ٹی آئی کے درجنوں کارکنان کو حراست میں لے لیا ہے، کارکنان کو روکنےکے لیے پنجاب پولیس نے لاہورجانے والے تمام راستوں کو بھی سیل کردیا ہے۔

بھکر، گوجرانولہ، شورکوٹ، ناروال اور جھنگ سمیت پنجاب بھر میں پاکستان عوامی تحریک اور پی ٹی آئی کے خلاف کریک ڈاؤن کے دوران سینکڑوں کارکنان کو دھر لیا گیا، مختلف مقامات پر پولیس اور کارکنان کی مد بھیڑ میں زخمی ہونے کی اطلاعات ہیں۔

پنجاب پولیس کارکنان کو منتشر کرنے کے لیے گاہے گاہےلاٹھی چارج اور شیلنگ کا استعمال بھی کر رہی ہے، مشتعل کارکنان کو روکنے کے لئے پولیس نے ناکے بھی لگا رکھے ہیں، جس سے شہری دوہری تکلیف میں مبتلا ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top