site
stats
پاکستان

پنجاب: ڈینگی کا مرض بڑھنے لگا،مریضوں کی تعداد 29 ہوگئی

 لاہور: ایک جانب سیلاب کی تباہ کاریوں نے پنجاب کو جکڑ رکھا ہے تو دوسری جانب ڈینگی بھی پنجاب میں پھر سر اٹھانے لگا ہے، لاہور میں مختلف مقامات پر پانی جمع ہونے سے ڈینگی وائرس ایک بار پھر پنپنے لگا ہے۔ جس کے باعث گزشتہ چند دنوں کے دوران اب تک انتیس جانیں نگل گیا ہے۔

پنجاب میں ڈینگی کے مزید دو نئے کیسز سامنے آ گئے ہیں، حالیہ بارشوں اور سیلاب کے بعد پنجاب میں ڈینگی کے کیسز کی تعداد بڑھتی جا رہی ہے۔

پنجاب میں دو نئے ڈینگی کے کیسز رپورٹ ہوئے ہیں، جن کے بعد پنجاب میں ڈینگی کے مصدقہ کیسز کی تعداد 29 ہوگئی ہے، لاہور کے شیخ زید ہسپتال میں گوجرانوالہ کا 25 سالہ طیب ڈٰینگی کا شکار ہو کر زیرِ علاج ہوا، 30 سالہ تحسین راولپنڈی کے ہولی فیملی ہسپتال میں ڈٰینگی بخار میں مبتلا ہو کر زیرِ علاج ہے۔

پنجاب میں حالیہ بارشوں سے پہلے صرف 6 رپورٹ ہوئے تھے، جونہی سیلاب اور بارشوں کا سلسلہ شروع ہوا ہے۔ ڈینگی کا خطرہ ناصرف بڑھنا شروع ہوا بلکہ پانچ دن میں 23 نئے ڈینگی کے کیسز رپورٹ ہوئے ہیں۔

محکمہ صحت پنجاب نے تمام سرکاری ہسپتالوں کو ڈینگی کے خطرے کے باعث الرٹ کر دیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top