پولیس لائن خودکش حملے کا مقدمہ درج -
The news is by your side.

Advertisement

پولیس لائن خودکش حملے کا مقدمہ درج

لاہور: پولیس لائن خودکش حملے کا مقدمہ لاہور کے تھانہ قلعہ گجر سنگھ میں درج کرلیا گیا ہے، ایف آئی آر کی کاپی اے آر وائی نیوز نے حاصل کرلی ہے۔

ایس ایچ او کی مدعیت میں کاٹی گئی ایف آئی آر میں قتل، اقدام قتل اور انسدادِ دہشت گردی کی دفعات شامل کی گئی ہیں، مقدمہ تھانہ قلعہ گجر سنگھ میں ایس ایچ او رضوان لطیف کی مدعیت میں درج کیا گیا ہے۔

ایف آئی آر میں کہا گیا ہے کہ تین حملہ آور ریلوے اسٹیشن کی جانب سے پولیس لائنز کی طرف آئے، خود کش حملہ آور نے اپنے آپ کو پولیس لائنز گیٹ سے کچھ فاصلے پر اڑا، جسکے نتیجہ میں دھماکے کے فوری بعد افراتفری اور بھگدڑ مچ گئی جبکہ خود کش حملہ آور کے دو ساتھی بھگدڑ کا فائدہ اٹھا کر فرار ہوگئے۔

سانحے میں شہید سب انسپکٹر محمدیوسف کی نمازِجنازہ پولیس لائن میں ادا کی گئی، جس میں کور کمانڈر لاہور اور پولیس کے سینئرافسران نے شرکت کی۔

یاد رہے کہ گزشتہ روز لاہور میں قلعہ گجر سنگھ پولیس لائنز کے قریب زوردار دھماکہ ہوا، جس کے نتیجے پانچ افراد جاں بحق جبکہ ستائیس افراد زخمی ہوگئے تھے۔

Comments

comments

یہ بھی پڑھیں