site
stats
دہشت گردی

پولیس نے دوغیررجسٹرڈ مدرسوں کو سربمہرکردیا

ٹنڈومحمد خان :مختلف کارروائیوں میں ٹنڈومحمد خان میں قائم دو غیر رجسٹرڈ مدرسوں کو سیل کردیا گیا۔

تفصیلات کے مطابق ٹنڈومحمد خان پولیس نے دو مختلف علاقوں میں کارروائیوں کے دوران دو دینی مدرسوں کو سیل کردیا۔

ایک مدرسہ جامعہ علوم  میں خواتین کو دینی تعلیم دی جارہی تھی، اس مدرسے کا نگراں مولوی عبدالمجید معاویہ تھا، مدرسے میں زیر تعلیم خواتین کو باہر نکال کر مدرسے کو سیل کردیا گیا ۔

دوسری کارروائی بلڑی شاہ کریم کے قریب ڈھنڈھی کے علاقے میں کی گئی جہاں پر ایک اورغیر رجسٹرڈ مدرسہ کو سیل کردیا گیا۔

ایس ایس پی نسیم آراء کے مطابق آئی جی سندھ کی جانب سے ہدایت کی گئی تھی کہ دونوں مدرسے غیر قانونی طورپرطلباء کو تعلیم دے رہےتھے۔

واضح رہے کہ سانحہ آرمی پبلک اسکول کے بعد قومی ایکشن پلان کے تحت غیررجسٹرڈ اورمشکوک سرگرمیوں میں ملوّث  مدارس کیخلاف ملک بھرمیں کارروائی کا سلسلہ جاری ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top