The news is by your side.

پولیس وین پر حملے میں 6 اہکاروں کی شہادت : صدر مملکت اور وزیراعظم کی شدید مذمت

اسلام آباد : صدرعارف علوی اور وزیر اعظم شہبازشریف نے لکی مروت میں پولیس وین پر حملے کی مذمت کی، وزیراعظم نے کہا پورا پاکستان دہشت گردی کیخلاف سیسہ پلائی دیوار ثابت ہوگا۔

تفصیلات کے مطابق وزیراعظم شہباز شریف نے لکی مروت میں پولیس وین پردہشت گردوں کے حملے کی شدید مذمت کرتے ہوئے 6 پولیس شہدا کو خراج عقیدت پیش کیا۔

وزیراعظم نے کہا کہ پولیس وین پر دہشتگردوں کے حملے کی مذمت کیلئےالفاظ کافی نہیں، میری دعائیں سوگوار خاندانوں کے ساتھ ہیں۔

شہباز شریف کا کہنا تھا کہ دہشت گرد پاکستان کےدشمن ہیں، پورا پاکستان دہشت گردی کیخلاف سیسہ پلائی دیوار ثابت ہوگا۔

انھوں نے مزید کہا کہ دہشت گردی بدستور پاکستان کے اہم مسائل میں سے ایک ہے، ہماری مسلح افواج اور پولیس نے بہادری سے اس لعنت کا مقابلہ کیا۔

صدر عارف علوی نے لکی مروت میں پولیس وین پر دہشت گرد حملے کی مذمت کرتے ہوئے دہشت گردی کے واقعے میں قیمتی جانی نقصان پر گہرے افسوس کا اظہار کیا۔

ڈاکٹر عارف علوی نے کہا کہ دہشتگردی کیخلاف قانون نافذ کرنیوالےاداروں کی قربانیاں ناقابل فراموش ہیں قوم اپنے شہداپر فخر کرتی ہے، شہداکو قوم ہمیشہ یاد رکھے گی، بزدلانہ کارروائیاں دہشتگردی کے خلاف قوم کے عزم کو متزلزل نہیں کر سکتیں۔

Comments

یہ بھی پڑھیں