The news is by your side.

پولیس 15، انٹیلی جنس عمارت حملے کے مجرموں کو پھانسی کی سزا

لاہور:انسدادِ دہشت گردی کی عدالت نے حساس عمارتوں پر حملے کے تین مجرمان کو تئیس بار سزائے موت کا حکم سنادیا۔

پولیس نے 15 بلڈنگ اٹیک کے تین ملزمان عابد اکرم، شبیر احمد اور سرفراز احمد کو عدالت میں پیش کیا۔

سماعت کے دوران استغاثہ نے عدالت کو بتایا کہ نامزد ملزمان پولیس 15 اور انٹیلی جنس ایجنسی کی عمارت پرحملے میں ملوث ہیں اوراس بات کے ٹھوس ثبوت موجود ہیں۔

ملزمان کے وکیل نے الزامات سے انکار کرتے ہوئے کہا کہ پولیس کے پاس ٹھوس ثبوت موجود ہیں۔ وکیل نے درخواست کی کہ عدالت ان کے موکلین کو بری کیا جائے۔

انسدادِ دہشت گردی کی عدالت نے فریقین کے دلائل سننے اور ثبوتوں اور گواہوں کے بیانات کو مدِ نظر رکھتے ہوئے تینوں مجرموں کو سزائے موت دینے کا حکم دیا۔

عدالت نے مجرمان کو حکم دیا کہ حملے میں جاں بحق ہونے والے افراد کے ورثاء کو پانچ لاکھ روپے فی کس ادا کرنے کا حکم دیا۔

2009میں پولیس 15 اورانٹیلی جنس ایجنسی کے دفتر پر کیے گئے حملے کے نتیجے میں لگ بھگ تئیس افراد جاں بحق جبکہ متعدد زخمی ہوئے تھے۔

Print Friendly, PDF & Email

Comments

comments

یہ بھی پڑھیں