پٹرول بحران کا ذمے داراوگرا کو قراردے دیا گیا -
The news is by your side.

Advertisement

پٹرول بحران کا ذمے داراوگرا کو قراردے دیا گیا

اسلام آباد: پٹرولیم بحران پرابتدائی رپورٹ وزیراعظم نوازشریف کو پیش کردی گئی جس میں اوگراکو بحران کا ذمے دار قراردیا گیا ہے۔

وزیراعظم نوازشریف کی صدارت میں پٹرولیم بحران سے متعلق جائزہ اجلاس وزیراعظم ہاوٗس میں ہوا اجلاس میں دو رکنی کمیٹی نے وزیراعظم کو حالیہ پٹرول بحران پررپورٹ پیش کی۔

کمیٹی نے ریگولیٹرہونے کی حیثیت سے اوگرا کو اس بحران کا ذمے دارقراردیا گیا ہے۔ رپورٹ میں کہا گیا کہ اوگرا اپنی ذمے داریاں پوری کر نے میں ناکام رہا ہے۔

اجلاس میں پٹرولیم بحران پر چارافسران کی معطلی کے فیصلے کی توثیق کی گئی جبکہ ڈپٹی ایم ڈی پی ایس او سہیل بٹ کو بھی بحران کا برابرذمے دار قراردیتے ہوئے ان کی معطلی کے احکامات جاری کیئے گئے وزیراعظم نے ہدایت کی آئندہ ایسے بحران سے بچنے کے لئےانتظامی تبدیلیاں کی جائیں۔

Comments

comments

یہ بھی پڑھیں