site
stats
اہم ترین

پچپن لاکھ طلبہ کوتعلیم دیں گے، عمران خان

اسلام آباد: عمران خان کا کہنا تھا کہ ملک میں تعلیمی ایمرجنسی نافذ کریں گے اور نوجوانوں کی مدد سے پچپن لاکھ طلبہ کو تعلیم کے زیور سے آراستہ کیا جائے گا۔

وفاقی دارالحکومت میں آزادی مارچ کے شرکاء سے خطاب کرتے ہوئے پاکستان تحریکِ انصاف کے سربراہ کا کہنا تھا کہ ملک میں تعلیمی ایمرجنسی نافذ کریں گے اور انصاف کا نظام لائیں گے۔ ان کا کہنا تھا کہ نوجوانوں کو کہیں گے کہ شہروں کو چھوڑ کر گاؤں دیہاتوں میں نکل جائیں اورمشن ہوگا کہ پچپن لاکھ بچے تعلیم سے محروم نہ رہ سکیں۔

انہوں نے کہا کہ ملک میں امن و امان اور تعلیم کا نظام بہتر کرنے کے لئے ججز، پولیس اور اساتذہ کو سب سے زیادہ تنخواہیں دی جائیں گی۔

انہوں نے شہباز شریف کے ایک ٹی وی انٹرویو کا حوالہ دیتے ہوئے تنقید کا نشانہ بنایا کہ’جس میں انہوں نہیں تسلیم کیا تھا کہ پنجاب میں انصاف نہیں ہے‘۔ عمران خان کا کہنا تھا کہ اگر انصاف نہیں ہے تو اس کا ذمہ دار چھ بار وزارتِ اعلیٰ پر فائز رہنے والے شہباز شریف ہیں۔

انہوں نے لندن پلان کے الزام کو ایک بار پھر رد کرتے ہوئے کہا کہ ’کوئی بے وقوف ہی پچاس دن سڑکوں پر بیٹھنے کا منصوبہ بنا سکتا ہے‘۔

عمران خان نے عوام کو بتایا کہ جب ہم یہاں آکر بیٹھے تو چند ہی دن میں ہمارے وسائل ختم ہوگئے لیکن اللہ نے مدد کی اورروزانہ لوگ لاکھوں روپے کی امداد دے رہے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top