The news is by your side.

Advertisement

پہلا موقع ہے کہ پوری قوم ایک پلیٹ فارم پر ہے، ڈاکٹر قدیر

معروف ایٹمی سائنسدان ڈاکٹر عبد القدیر خان کا آپریشن ضرب عضب کے حوالے سے کہنا ہے کہ انیس سو پینسٹھ کی جنگ کے بعد یہ پہلا موقع ہے کہ پوری قوم ایک پلیٹ فارم پر ہے ، ان خیالات کا اظہار انہوں نے اے آر وائی نیوز سے خصوصی گفتگو میں کیا۔

ڈاکٹر عبد القدیر خان نے اے آر وائی کے دفتر کا دورہ کیا ۔ اس موقع پر انہوں نے حاجی عبد الروف سے ملاقات کرتے ہوئے اے آر وائی نیٹ ورک کے بانی و سرپرست حاجی عبدالرزاق کے انتقال پر تعزیت کی۔ اس موقع پر اے آر وائی نیوز سے گفتگو کرتے ہوئے انکا کہنا تھا کہ حاجی عبد الرزاق انکے بہترین دوست اور ہمدرد انسان تھے۔

آپریشن ضرب عضب کے حوالے سے ڈاکٹر قدیر خان کا کہنا تھا کہ 1965 کی جنگ کے بعد یہ پہلا موقع ہے کہ پوری قوم متحد ہے۔

محسن پاکستان نے بجلی کے حالیہ بحران پر سخت برہمی کا اظہارکیا۔

ڈاکٹر اے کیو خان اسپتال کے حوالے سے بات کرتے ہوئے ان کا کہنا تھا کہ یہ اسپتال غریب ،مستحقین اور نادار افراد کی خدمت کے جذبے کے تحت تعمیر کیا جارہا ہے۔

Print Friendly, PDF & Email

Comments

comments

یہ بھی پڑھیں