پیمرا کا جیو نیوز کو فرقہ واریت اور مذہبی منافرت پھیلانے پر نوٹس جاری -
The news is by your side.

Advertisement

پیمرا کا جیو نیوز کو فرقہ واریت اور مذہبی منافرت پھیلانے پر نوٹس جاری

اسلام آباد: جیو کا پروگرام نیا پاکستان ملک میں فرقہ وارانہ اور مذہبی منافرت پھیلانے کا باعث ہے، عوام کی شکایت پر پیمرا قوانین کی خلاف ورزی کرنےپرجیوچینل کو نوٹس جاری ہوگیا۔

بائیس فروری کو جیو نیوز کے پروگرام نیا پاکستان میں اینکر پرسن طلعت حسین نے جو مواد پیش کیا، وہ پیمرا قوانین کی خلاف ورزی کا باعث بنا جس پر مختلف شہروں میں عوامی ردعمل بھی سامنے آیا اور پیمرا کو شکایت موصول ہوئیں۔

ترجمان پیمرا کا کہنا ہے کہ پیمرا قوانین کی خلاف ورزی پر جیو چینل کو نوٹس جاری کردیا گیا ہے، جیو کا پروگرام نیا پاکستان ملک میں فرقہ وارانہ اور مذہبی منافرت پھیلانے کا باعث ہے۔

پیمرا قوانین کے مطابق جیو چینل کی جانب سے نشر کئے جانے والے مواد کو مدنظر رکھتےہوئے پیمرا مزید کارروائی کرے گا۔

Comments

comments

یہ بھی پڑھیں