پینتالیس ارکان کی جماعت لانگ مارچ کررہی ہے،پرویزرشید -
The news is by your side.

Advertisement

پینتالیس ارکان کی جماعت لانگ مارچ کررہی ہے،پرویزرشید

اسلام آباد :وفاقی وزیر اطلاعات پرویز رشید کہتے ہیں کہ پینتالیس ارکان کی جماعت لانگ مارچ کر رہی ہے۔ ملک کی سرزمین کسی دوسرے کے خلاف استعمال کرنے پر تحفظ پاکستان قانون لاگو ہوگا۔ وزیر اطلاعات کے عمران خان کے خلاف بیانات تیزتر ہوتے جا رہے ہیں۔وفاقی وزیراطلاعات نے اس بار عمران خان کو تنِ تنہا پرواز کی کوشش کرنے والے سے تشبیہ دیتے ہوئے کہا ہے کہ لانگ مارچ سے زیادہ اہم معاملہ آئی ڈی پیز کا ہے۔

قومی اسمبلی کے تین سو بیالیس اراکین میں سے پینتالیس ارکان کی جماعت لانگ مارچ کر رہی ہے۔ جو کوئک مارچ میں تبدیل ہو کر ون ڈے ایونٹ بن جائے گا۔ پرویز رشید کے بقول اسلام آباد میں سی ڈی اے کیلئے صفائی کاکام بڑھانے کے سوا کچھ نہیں ہوگا۔ ان کا کہنا تھا حکومت نہ کسی کے معاملات میں مداخلت کرتی ہے نہ ہی کسی دوسرے کو ایسا کرنے دے گی۔

Comments

comments

یہ بھی پڑھیں