site
stats
کھیل

پینٹاگولرکپ: خیبرپختونخواہ فائٹرز نے فائنل میں جگہ بنالی

کراچی : پینٹاگولر کپ ون ڈے کرکٹ ٹورنامنٹ میں خیبرپختوانخواہ فائٹرز نے بلوچستان وارئیرز کیخلاف سات وکٹوں سے کامیابی حاصل کرکے فائنل میں جگہ بنالی ہے۔

کراچی میں کھیلے جارہے پینٹاگولر کپ ون ڈے ٹورنامنٹ کے چوتھے روز بلوچستان وارئیرز کے کپتان نے ٹاس جیت کر بیٹنگ کا فیصلہ کیا جو غلط ثابت ہوا۔

خیبرپختونخواہ فائٹرز کے بولرز نے بلوچستان وارئیرز کو ایک سو چھتیس رنز پر ڈھیر کردیا۔ایاز تصور چوالیس اور ذوالفقار بابر نے بتیس رنز کی اننگز کھیلی۔ظفر گوہر نے چار اور محمدسمیع نے تین کھلاڑیوں کو آؤٹ کیا۔

خیبرپختونخواہ نے ہدف تین وکٹوں کے نقصان پر پورا کرلیا۔شعیب ملک نے ایونٹ میں مسلسل تیسری نصف سنچری اسکور کرتے ہوئے اڑسٹھ رنز بنائے، احسان عادل نے دو وکٹیں حاصل کیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top