اسلام آباد : پاکستان اکانومی واچ کے صدر ڈاکٹر مرتضیٰ مغل نے کہا ہے کہ تیل کی قیمتوں میں چالیس فیصد کمی سے تیل درآمد کرنے والے ممالک کو 1.3کھرب ڈالر کا فائدہ ہو گا۔
جبکہ قیمتیں مزید کرنے سے فائدے میں مزید اضافہ ہو گا، اپنے ایک بیان میں انہوں نے کہا کہ دنیا کے ہر تیل درآمد کرنے والے ملک میں افراط زرکم ہو رہا ہے اور مرکزی بینک مانیٹری پالیسی میں نرمی برتنے کی پوزیشن میں آ گئے ہیں۔
ادھرسعودی عرب جس کے پاس 736 ارب ڈالر موجود ہیں کے سوا تیل برآمد کرنے والے کئی ممالک کو اپنی کرنسی کی قدر کم کرنے اور سخت مانیٹری پالیسی کا سہارا لینا ہو گا جبکہ بعض ڈیفالٹ بھی کرسکتے ہیں۔
