site
stats
بزنس

پیٹرولیم مصنوعات کی قیمت میں ایک بار پھر کمی متوقع

اسلام آباد: عالمی منڈی میں خام تیل کی قیمتوں میں کمی روکنے کا نام نہیں لے رہی ہے، یکم دسمبر سے ایک بار پھر پیٹرولیم مصنوعات کی قیمتوں میں چار سے پانچ روپے تک کی کمی متوقع ہے۔

تیل پیداوار کے سے سب بڑے گروپ اوپیک کی جانب سے پیداوار میں کمی نہ کرنے کے باعث معاشی تجزیہ کاروں کے مطابق تیل کی قیمت ساٹھ ڈالر فی بیرل تک گر جانے کا امکان ہے ، تیل کی قیمتوں میں موسم سرما کے آغاز سے جو کمی آنا شروع ہوئی ہے وہ اب بھی جاری ہے۔ اور اسی صورت حال کے پیشِ نظر یکم دسمبر سے پیٹرولیم مصنوعات کی قیمتوں میں ایک بار پھر خاطر خواہ کمی متوقع ہے ۔

اوگرا ذرائع کے مطابق پیٹرول چار روپے، ہائی آکٹین پانچ روپے فی  لیٹر سستا ہونے کا امکان ہے، اسی طرح مٹی کا تیل تین روپے پینسٹھ پیسےاور ہائی اسپیڈ ڈیزل تین روپےنوے پیسے فی لیٹر سستا ہونے کا امکان ظاہرکیا گیا ہے۔

عالمی مارکیٹ میں خام تیل کی قیمت چوہتر ڈالر فی بیرل تک نیچےآچکی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top