site
stats
پاکستان

پیٹرول پاکستان سے بھارت اسمگل ہونے کا قوی امکان

اسلام آباد: وزارت پیٹرولیم کے زرائع کا کہنا ہے کہ بھارت میں پٹرول مہنگا ہونے کے باعث پاکستان سے اسمگنگ کا قوی امکان ہے، جو پنجاب میں پٹرول کی قلت کی ایک بڑی وجہ ہوسکتی ہے۔

وزارت پیٹرولیم زرائع کے مطابق پورے ملک میں پیٹرول کی ترسیل معمول کے مطابق تھی اور طلب بھی کنٹرول میں رہی، مگر پنجاب میں ایسا کیا ہوا کہ پیٹرول غائب ہوگیا۔

اعداد وشمار کے مطابق یکم جنوری کو ملک بھر میں چالیس ہزار ٹن پیٹرول فروخت ہوا اور اس میں سے اکتیس ہزار ٹن صرف پنجاب میں فروخت ہوا۔

زرائع کے مطابق عین ممکن ہے کہ پنجاب سے بڑی مقدار میں پیٹرول بھارت اسمگل ہو رہا ہو اور یہ اسمگلنگ چولستان کی سرحد سے ہونے کا خدشہ ظاہر کیا گیا ہے۔

بھارت اور پاکستان میں پیٹرولیم مصنوعات کی قیمتوں میں واضع فرق اس بات کو مزید تقویت دیتا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top