The news is by your side.

Advertisement

پیپلزپارٹی عوامی مسائل حل کرنے میں ناکام ہے،ایم کیوایم

کراچی: متحدہ قومی مومنٹ کی رابطہ کمیٹی کے ممبر غازی صلاح الدین کا کہنا ہے کہ پیپلزپارٹی تیس سال سے صوبے میں حکومت کرنے کے باوجود عوام کے بنیادی مسائل حل کرنے میں ناکام ہے۔

ایک بیان میں ان کا کہنا تھا کہ سندھ کے رہائشی آج بھی قحط اور معاشی بدحالی جیسی مشکلات کا شکار ہیں جس کے سبب وہ اپنے بچے بیچنے پر مجبور ہیں۔

انہوں پیپلزپارٹی پرایم کیوایم کے کارکنوں کے ماورائے عدالت قتل کا الزام لگاتے ہوئے کہا کہ ’سندھ حکومت عوام کی زندگیوں کا تحفظ کرنے میں مکمل طور پر ناکام ہوچکی ہے‘۔

پی پی پی کے جنرل سیکریٹری تاج حیدر کے بیان پر تبصرہ کرتے ہوئے ان کا کہنا تھا کہ تاج حیدر اپنی پارٹی کی ناکامیوں پر پردہ ڈالنے کے لئے اس قسم کے بیانات دے رہے ہیں۔ انہوں نے تاج حیدر کو مشورہ دیا کہ دوسروں کو الزام دینے کے بجائے گورننس کی بہتری پر توجہ دیں۔

ان کا کہنا تھا کہ ایم کیوایم کسی بھی صورت اپنے شہید پارٹی ورکروں کی اہانت برداشت نہیں کرے گی۔

غازی صلاح الدین کا کہنا تھا کہ صوبے میں رائج وڈیرہ نظام کے خلاف جدوجہد کے باعث ایم کیو ایم کے ورکرز کو قتل کیا جارہا ہے۔

Print Friendly, PDF & Email

Comments

comments

یہ بھی پڑھیں