site
stats
پاکستان

پیپلزپارٹی کسی غیر آئینی عمل کو برداشت نہیں کرے گی، قمر زمان کائرہ

کراچی: قمرزمان کائرہ نے کہا ہے کہ پرامن احتجاج سیاسی جماعتوں کا جمہوری حق ہے، احتجاج کے آئینی حق پر کوئی پابندی نہیں لگنی چاہئے۔

قمرزمان کائرہ نے پیپلزپارٹی کی سینٹرل ایگزیکٹیو کمیٹی کے اجلاس کے بعد میڈیا سے بات کرتے ہوئے کہا کہ پیپلزپارٹی کسی غیر آئینی عمل کو برداشت نہیں کرے گی، قمرزمان کائرہ کا کہنا تھا کہ سیاسی معاملے کا حل سیاسی انداز میں چاہتے ہیں۔

ان کا کہنا تھا کہ الیکشن کمیشن کی تشکیل نو اور نئے انتخابات کی اشد ضرورت ہے، تھرڈ امپائر اب صرف عوام ہیں،حکومت عوام کےمسائل حل کرنے کے وعدے پر ناکام ہوچکی ہے، چھ ماہ میں لوڈشیڈنگ کرنے کا صرف دعویٰ کیا گیا، الیکشن کے نتائج جمہوریت کی وجہ سے تسلیم کئے تاہم دھاندلی کی تحقیقات پیپلز پارٹی کا بھی مطالبہ ہے، سانحہ ماڈل ٹاﺅن سے متعلق گفتگو کرتے ہوئے ان کا کہنا تھا کہ عوامی تحریک کے چودہ کارکنان شہید ہوئے ہیں، عدالتی حکم کے مطابق ایف آئی آر درج کی جائے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top