پیپلز پارٹی آج بھرپور سیاسی قوت کا مظاہرہ کرے گی -
The news is by your side.

Advertisement

پیپلز پارٹی آج بھرپور سیاسی قوت کا مظاہرہ کرے گی

کراچی : پاکستان پیپلزپارٹی آج باغ جناح کراچی میں عوامی طاقت کا مظاہرہ کرنے جارہی ہے، جلسہ میں شرکت کیلئے ملک بھر سے جیالوں کی بڑی تعداد کی آمد کا سلسلہ جاری ہے۔

کراچی میں مزار قائد سے متصل باغ قائد میں پاکستان پیپلز پارٹی کے جلسے کے لئے انتظامات کو حتمی شکل دے دی گئی جب کہ جلسے کے لئے سیکیورٹی کے انتہائی سخت انتظامات کئے گئے ہیں، جلسے میں دہشت گردی کے خدشے کے پیش نظر سندھ پولیس کے 22 ہزار 500 اہلکار تعینات کئے گئے ہیں۔

پیپلز پارٹی کے سربراہ بلاول بھٹو زرداری کو جلسہ گاہ لانے کیلئے بینظیر بھٹو شہید کا خصوصی ٹرک تیار کر لیا گیا ہے۔

گذشت روز پیپلزپارٹی کے چیئرمین بلاول بھٹو زرداری جلسہ گاہ پہنچے، انکا کہنا تھا کہ  اپنی ماں کے نامکمل سفر کو مکمل کرنے جارہا ہے، 18اکتوبر کو میں قائداعظم کے مزار پر جارہاہوںاور بے نظیر اور نصرت بھٹو کی طرح میں بھی شہیدوں کا وارث بننے جا رہا ہوں اور اس قوم کے حقوق کی جنگ لڑنے والا ہوں۔

مختصر خطاب میں انہوں نے ایک نظم ’میرا نام بلاول ہے‘ بھی سنائی، جس میں انہوں نے قوم کو پیغام دیا کہ یہ دھرتی شہیدوں کی ہے اور میں شہیدوں کا وارث ہوں، میں اس دھرتی کا رکھوالا ہوں۔

Comments

comments

یہ بھی پڑھیں