پیپلز پارٹی کو مفاہمت کی سیاست سے نقصان پہنچا، اعتزاز احسن -
The news is by your side.

Advertisement

پیپلز پارٹی کو مفاہمت کی سیاست سے نقصان پہنچا، اعتزاز احسن

لاہور : پیپلز پارٹی کے سینیٹر اعتزاز احسن نے یہ بات تسلیم کرتے ہوئے کہا ہے کہ پیپلز پارٹی کو مفاہمت کی سیاست سے شدید نقصان پہنچا۔

انہوں نے کہا کہ میں نے پہلے ہی وزیراعظم کو بتادیا تھا کہ دھرنے کی کامیابی یا ناکامی دونوں صورتوں میں نقصان ہوگا۔

لاہور میں افطار ڈنر کے موقع پر میڈیا سے گفتگو کرتے ہوئے اعتراز احسن کا کہنا تھا کہ انہوں نے وزیراعظم کو بتادیا تھا کہ دھرنا کامیاب ہوا تو ملک کو نقصان ہوگا، اور اگر آپ بھی کامیاب ہوئے تب بھی بڑا نقصان ہوگا۔

ان کا کہنا تھا کہ وزراء کے چہرے پر موجود رعونت میری بات کی سچائی کی گواہ ہے۔ اعتزاز احسن نے کہا کہ ایل این جی اور نندی پور سمیت ہر منصوبے میں کرپشن ہے۔

ایک سوال کے جواب میں سینیٹر اعتزاز احسن نے کہا کہ  شہباز شریف لوڈشیڈنگ پر قابو پانے میں ناکامی پر اپنا نام خود ہی تبدیل کرلیں، ہم نے کوئی نام تجویز کیا تو انہیں برا لگے گا۔

Comments

comments

یہ بھی پڑھیں