The news is by your side.

Advertisement

پی آئی اے کا جہازجدہ سے صرف دو مسافروں کو لے کر روانہ

کراچی : باکمال لوگ لاجواب سروس۔قومی ایئرلائن پی آئی اے  کے مارکیٹنگ ڈ پارٹمنٹ کا انوکھا کارنامہ۔جدہ سے صرف دو مسافروں کو لیکر کراچی کیلئے روانہ کیا گیا جس کی وجہ سے ادارے کو کروڑوں روپے کا نقصان اٹھانا پڑا۔

ذرائع کے مطابق جدہ سے کراچی آنیوالی خصوصی پرواز پی کے7313کے ایئر بس 310کے ذریعے دو مسافروں کو لیکر کراچی پہنچایا گیا جہاز میں دو سو سے زائد مسافروں کے بیٹھنے کی گنجائش ہوتی ہے۔

ذرائع کے مطابق اضافی پرواز اس وقت چلائی جاتی ہے جب جہاز کا لوڈ مکمل ہوتا ہے یعنی مسافروں کی مطلوبہ تعداد مکمل ہونے پرپرواز آپریٹ کی جاتی ہے دو مسافروں کو لیکر آنے سے ایئر لائن کو کو کروڑوں روپے کا نقصان اٹھانا پڑا۔

ڈائریکٹر مارکیٹنگ کی ناقص حکمت عملی کی وجہ سے عمرہ آپریشن میں پی آئی اے کو پہلے ہی نقصان کا سامنا ہے جبکہ کراچی سے جدہ جانیوالی پرواز پی کے7312پر بھی ستر سے زائد مسافروں کو لیکر پرواز روانہ ہوئی تھی۔

قومی ایئرلائن افسران کی ناقص حکمت عملی کی وجہ سے تین سو ارب روپے سے زائد خسارے کا سامنا ہے۔

Print Friendly, PDF & Email

Comments

comments

یہ بھی پڑھیں