The news is by your side.

Advertisement

پی آئی اے کی جوائنٹ ایکشن کمیٹی کا علامتی ہڑتال کا اعلان

کراچی : پی آئی اے کی جوائنٹ ایکشن کمیٹی نے صدارتی آرڈیننس کے خلاف ملک بھر میں تین گھنٹے کی علامتی ہڑتال کا اعلان کردیا۔ ہزاروں ملازمین ہیڈ آفس کے مرکزی دفتر پر دھرنادینگے۔

قومی ایئرلائن کی ممکنہ نجکاری اور صدارتی آرڈیننس کے خلاف ملک بھر کی طرح کراچی میں بھی احتجاج کا سلسلہ جاری ہے ، احتجاجی مظاہرین نے ہاتھوں میں بینرز اٹھارکھے تھے ، احتجاجی مظاہرے سے خطاب کرتے ہوئے جوائنٹ ایکشن کمیٹی کے ڈپٹی کنوینر ہدایت اللہ خان کاکہنا تھا کہ کسی بھی صورت پی آئی اے کو فروخت ہونے نہیں دیں گے۔

بائٹ پالپا کے سابق صدر کیپٹن سہیل بلوچ کاکہنا تھا کہ پی آئی اے کو قائد اعظم نے بنایا تھا ،ادارے کو کسی صورت فروخت ہونے نہیں دینگے ۔

جوائنٹ ایکشن کمیٹی کے رہنماؤں نے کل سے پی آئی اے ہیڈ آفس کے دروازے بند کرکے دھرنا دینے کا اعلان کیا، دھرنے کے دوران تمام شعبہ جات میں صبح ساڑھے آٹھ بجے سے ساڑھے گیارہ بجے تک کام بند رکھا جائے گا۔

چیئرمین پی آئی اے سمیت کسی بھی اعلیٰ افسر کو دفاتر میں جانے کی اجازت نہیں دیں گے۔

Print Friendly, PDF & Email

Comments

comments

یہ بھی پڑھیں