پی آئی اے کے جہاز میں کسی بھی قسم کی ویڈیو بنانے پر پابندی عائد -
The news is by your side.

Advertisement

پی آئی اے کے جہاز میں کسی بھی قسم کی ویڈیو بنانے پر پابندی عائد

اسلام آباد: قومی اسمبلی کی قائمہ کمیٹی برائےقواعد وضوابط اور استحقاق کو بتایا گیا کہ پی آئی اے کے جہاز میں کسی بھی قسم کی ویڈیو بنانے پر پابندی عائد کردی گئی ہے۔

وہدری اسد الر حمان کی زیرِ صدارت قومی اسمبلی کی قائمہ کمیٹی برائے قواعد و ضوابط اور استحقاق کے اجلاس میں ارکان پارلیمنٹ کی پی آئی اے کیخلاف شکایت کا جائزہ لیا گیا۔

رکن اسمبلی رمیش کمار نے استحقاق کمیٹی میں بیان دیتے ہوئے کہا کہ انکی وجہ سے فلائٹ تاخیر کا شکار ہوئی، نہ ہی انہیں جہاز کے لیٹ ہونیکی اطلاع دی گئی تھی پھر بھی ان سے مسافروں نے بدتمیزی کی، ارجمند نامی شخص نے احتجاجی مسافروں کی قیادت کی۔

رمیش کمار کا کہنا تھا کہ کرو اور پائلٹ نے کچھ نہیں کیا بلکہ انہیں جہاز سے اتار دیا گیا، پیپلز پارٹی کی رکن قومی اسمبلی شگفتہ جمانی کا کہنا تھا کہ پی آئی اے کی وجہ سے پارلیمنٹرین کو اپنی عزت بچانا مشکل ہے۔

چیئرمین کمیٹی کا کہنا تھا کہ ذمہ دار کوئی اور ہوتا ہےاور وی آئی پی کلچر کا طعنہ سیاست دانوں کو دیا جاتا ہے۔ انھوں نے پی آئی اے کی انکوئری کمیٹی کی رپورٹ استحقاق کمیٹی کو پیش کرنیکی ہدایت کی۔

Comments

comments

یہ بھی پڑھیں