کراچی : باکمال لوگوں کا لاجواب ادارہ پی آئی اے ایک بار پھر جعلی ڈگریاں پر بھرتی ملازمین کی وجہ سے خبروں کی زینت بن گیا۔
تفصیلات کے مطابق باکمال لوگوں کے لاجواب ادارے پی آئی اے کے جعلی ڈگری کے حامل انیس ملازمین کی فہرست تیار ہے، جن کے کسی بھی وقت نوکری سے فارغ ہونے کا امکان ہے۔
پی آئی اے میں ساڑھے چارسو سے زائد ملازمین کی ڈگریاں جعلی ہونے کا انکشاف ہے، رواں سال دو سو اٹھاسی ملازمین جعلی ڈگریوں پر ملازمت سے فارغ ہوچکے ہیں۔
ایک سو اکیاون جعلی ڈگری کے حامل ملازمین کی نوکریوں پر بھی جعلی ڈگری کی تلوارلٹک رہی ہے۔
یاد رہے کہ گزشتہ سال بھی تین سو اڑتیس ملازمین جعلی ڈگریوں کے باعث فارغ کردیئے گئے تھے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں