site
stats
اہم ترین

پی آئی اے ائیرہوسٹس لندن میں گرفتار

لندن: پاکستان انٹر نیشنل ائیر لائنز کی ائیر ہوسٹس کو لندن میں پاسپورٹ ایکسپائر ہونے پر گرفتار کر لیا گیا ہے اور پی آئی اے کو دو ہزار پاونڈ جرمانہ بھی کردیا گیا ہے۔

تفصیلات کے مطابق اسلام آباد سے لندن جانیوالی پی کے785پی آئی اے ایئرہوسٹس ایکسپائرپاسپورٹ پر سفر کرنے پر گرفتار ہو گئیں ہے۔ پی آئی اے پر ناقص سفری دستاویز پر لندن فلائٹ پر آپریٹ کروانے پر وارننگ جاری کر دی گئی ہے اور لندن حکام کی جانب سے پی آئی اے پر 2ہزار پاونڈ جرمانہ بھی کردیا گیا ہے۔

برطانوی ایمی گریشن نے پی آئی اے حکام کو متنبہ کیا ہے کہ وہ اپنے تمام کیبن کرو سمیت فضائی میزبانوں کے سفری دستاویزات مکمل ہونے پر انہیں جہاز میں سوار کیا کریں بصورت دیگر کوئی بھی عملے کے کسی بھی قسم کے سفری دستاویز میں کمی یا پاسپورٹ اور ویزا ایکسپائر ہوا تو اس پر برطانیہ آنے پر پابندی عائد کردی جائے گی۔

دوسری جانب مانچسٹر سے اسلام آباد آنیوالی پی کے702مسافروں کا ناقص کھانا دیئے جانے پر مسافروں نے  احتجاج کیا ہے اور انتظامیہ کیخلاف نعرے لگائے ہے۔

ذرائع کے مطابق مانچسٹر سے اسلام آباد آنیوالی پی کے702 کے مسافروں کا کھانا اسلام آباد سے جانیوالی پرواز پر گذشتہ شام نامناسب طریقے سے بھیجا گیا جو خراب ہوگیاانتظامیہ کی نا اہلی پر مسافروں نے کھانا کھانے سے انکار کردیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top