The news is by your side.

Advertisement

پی آئی اے حج آپریشن 28اگست سے شروع کررہی ہے

کراچی :  حج بیت اللہ کی سعادت حاصل کرنے کیلئے ایک لاکھ تینتالیس ہزار پاکستانی عازمین حج کی روانگی کا سلسلہ کل شروع ہوگا۔

قومی ایئرلائن  پی آئی اے اپنا حج آپریشن اٹھائیس اگست جمعرات سے شروع کر رہی ہے، پی آئی اے ترجمان کے مطابق کل سے ایک ماہ کے دوران ایک سو بارہ پروازوں کے ذریعے چون ہزار عازمین کو سعودی عرب پہنچایا جائے گی ۔

پی آئی اے کا قبل از حج آپریشن اٹھائیس اگست سے اٹھائیس ستمبر تک جاری رہے گا جبکہ بعد از حج آپریشن آٹھ اکتوبر سے سات نومبر تک اختتام پذیر ہوگ

ایم ڈی پی آئی اے شاہ نواز رحمان کے مطابق حج آپریشن سے متعلق تمام تیاریاں مکمل کرلی گئی ہیں، پہلی حج پرواز پی کے  2001شام سات بجے کراچی سے تین سو سے زائد عازمین کو لیکر سعودی عرب روانہ ہوگی جبکہ دوسری پروز پی کے2101کاپانچ سو سے زائد عازمین حج کو لیکر رات آٹھ بجے روانہ ہوگی۔

  سعودی عرب میں پی آئی اے کے کنٹری منیجر شہباز احمد سینئر نے اے آروائی نیوز کو بتایا کہ سعودی حکومت کے تعاون سے جدہ کے حج ٹرمینل پر پی آئی اے کو تمام تر سہولتیں فراہم کی گئی ہیں۔

وفاقی وزیر برائے مذہبی امور سردار یوسف کا کہنا ہے کہ چھیاسی ہزار عازمین پرائیویٹ جبکہ ستاون ہزار عازمین سرکاری کوٹے کے تحت حجاز مقدس پہنچیں گے، انہوں نے کہا کہ پچھلے سال کے مقابلے اس بارحج کرایوں میں تئیس ہزار روپے کی کمی کردی گئی ہے ۔

Print Friendly, PDF & Email

Comments

comments

یہ بھی پڑھیں