site
stats
پاکستان

پی آئی اے غیرقانونی بھرتیاں، نوازشریف کیخلاف کیس بند

اسلام آباد: نیب نے وزیراعظم نواز شریف کے خلاف پی آئی اے میں غیر قانونی بھرتیوں کا کیس بند کردیا ہے۔

چیئرمین نیب نے پی آئی اے میں غیر قانونی بھرتیوں کے حوالے سے قومی احتساب بیورو میں دائر کیس میں وزیرِاعظم نواز شریف کے خلاف تحقیقات روک کر کیس داخل دفتر کردیا ہے۔

اے آر وائی نیوز کے پرو گرام اندرکی بات کے اینکر اسد کھرل نے انکشاف کیا ہے کہ نیب نے نواز شریف کیخلاف کیس بند کردیا ہے،  کیس بند کرنے کا حکم سات جنوری کو ایگزیکٹو کورٹ میٹنگ میں چیئرمین نیب قمرالزمان چوہدری نے دیا۔

پی آئی اے میں غیرقانونی بھرتیوں کا کیس نواز شریف کیخلاف سن دو ہزار سے نیب سندھ میں زیرِ التوا تھا۔

واضح رہے کہ پاکستان عوامی تحریک کے سربراہ ڈاکٹر طاہرالقادری نے کہا تھا کہ نوازشریف نے برسراقتدار آنے کے بعد نیب میں اپنے خلاف کرپشن کے 143 کیسز ختم کرادیئے ہیں۔

جس کے بعد قومی احتساب بیورو کا کہنا تھا کہ نیب ایک آزاد ادارہ ہے جو کسی بھی قسم کے دباؤ  کے بغیر شفاف طریقے سے مقدمات کی تحقیقات کرتا ہے،وزیراعظم نوازشریف اوران کے اہل خانہ کے خلاف کوئی مقدمہ بند نہیں کیا گیا جب کہ  اس حوالے سے پھیلائی جانے والی خبریں بے بنیاد اور گمراہ کن ہیں جن میں کوئی حقیقت نہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top