پی آئی اے نے یورپ میں فلائٹ آپریشن محدود کرنے کا فیصلہ کرلیا -
The news is by your side.

Advertisement

پی آئی اے نے یورپ میں فلائٹ آپریشن محدود کرنے کا فیصلہ کرلیا

اسلام آباد: قومی ایئرلائن نے یورپ میں فلائٹ آپریشن محدود کرنے کا فیصلہ کرلیا، 7 فروری کو بارسلونا سے آخری پرواز اسلام آباد آئے گی۔

تفصیلات کے مطابق پاکستان کی قومی ایئرلائن طیاروں کی قلت کے باعث یورپ سے فلائٹ آپریشن محدود کرنے پرمجبورہوگئی ہے۔

اسپین کے شہر بارسلونا سے 7 فروری کو اسلام آباد آنے والی پروازنمبر پی کے 796 آخری پرواز ہوگی۔

اسپین میں مقیم پاکستانی کمیونٹی نے صدرِ پاکستان اور وزیراعظم، سے مطالبہ کیا ہے کہ پاکستانیوں کو سہولت کی فراہمی برقرار رکھنے کے لئے بارسلونا سے اسلام آباد کی پرواز کو جاری رکھا جائے۔

پاکستانی کمیونٹی کا کہناتھاکہ پی آئی اے کے علاوہ کوئی پروازبراہ راست پاکستان نہیں جاتی اور اس پرواز کے بند ہوجانے سے پاکستانی آرام دہ طریقے سے وطن پہنچنے سے محروم ہوجائیں گے۔

واضح رہے کہ پی آئی اے کے شعبۂ انجینئرنگ کی ناقص کارکردگی کی وجہ سے تین ہفتوں میں پانچ طیارے گراؤنڈ کیے جا چکے ہیں۔

Comments

comments

یہ بھی پڑھیں