پی آئی اے کی فضائی میزبانوں کیلئے نومی انصاری کا یونیفارم منتخب -
The news is by your side.

Advertisement

پی آئی اے کی فضائی میزبانوں کیلئے نومی انصاری کا یونیفارم منتخب

کراچی :قومی ائیرلائن کی خواتین ورکرز کے یونیفارم کے لیے نومی انصاری کے ڈائیزئن کو منتخب کرلیا گیا ہے، پی آئی اے کی یونیفارم کے ڈیزائن کے مقابلے میں سولہ فیشن ڈیزائینرز نے حصہ لیا۔

پی آئی اے نے ہر دور میں اپنی خواتین ورکرز کے لباس کو دیدہ زیب بنانے کے لیے فیشن ڈائزئینرز کی خدمات لی ہیں۔

انیس سو چھپن سے ساٹھ تک پی آئی اے کا عملہ پاکستانی لیلیٰ شہزاد اور فرانسیسی ڈئزائینر شوزی فونٹینئر کے تیارہ کردہ ملبوسات استعمال کرتا رہا، انیس سو ساٹھ سے چھیاسٹھ تک فضائی میزبانوں کے یونیفارم کا ذمے فیروز کاؤس جی نے سنبھالا۔

اطالوی نژاد فرانسیسی ڈئزائینر پیئری کارڈن کے ملبوسات پی آئی اے کا عملہ انیس سو چھیاسٹھ سے پچھہتر تک استعمال کرتا رہا۔ پھر اگلے گیارہ سال برطانوی ڈئزائینر سر ہارڈی آمیس نے پی آئی اے کے عملے کے ملبوسات تیار کیے۔

انیس سو چھیاسی سے سترہ سال تک فضائی کمپنی کا عملہ پاکستانی ڈئزائینر ناہید اظفر کی تیار کردہ یونیفارم پہنتا رہا، دو ہزار چار میں قومی ائیر لائن کے عملے کی یونیفارم بدلی اور ذمے داری پاکستانی ڈئزائینر رفعت یاسمین کو ملی۔

دوہزار پندرہ میں مردوں کی نئی یونیفارم کا مقابلہ عمر فاروق نے جیتا تو خواتین یونیفارم کیلئے نومی انصاری کا ڈئزائین کردہ یونیفارم منتخب کرلیا گیا ہے۔

Comments

comments

یہ بھی پڑھیں