site
stats
پاکستان

پی آئی اے کی پیرس سے میلان جانے والی پروازمیں فنی خرابی

کراچی: پیرس سے میلان جانے والی قومی ایئرلائن کی پروازمیں فنی خرابی پیش آگئی جس کے باعث طیارے کو واپس اتارلیا گیا۔

تفصیلات کے مطابق پی آئی اے کی پر واز پی کے 749 کو پیرس سے میلان جانا تھا لیکن لینڈںگ گیئرمیں خرابی کے باعث جہاز کو واپس اتارلیا گیا۔

ذرائع کے مطابق مسافروں کو دیگر پروازوں کی مدد سے ان کی منزل کی جانب روانہ کیا گیا جبکہ مذکورہ پرواز کا عملہ کراچی واپس پہنچ چکا ہے۔

اے آروائی کے سینئر اینکر پرسن مبشر لقمان نے خصوصی گفتگو کرتے ہوئے بتایا کہ جہاز میں پہلے سے فنی خرابی تھی لیکن پی آئی اے نے مسافروں کی جان خطرے میں ڈال کرجہاز کو استعمال کرنے کا فیصلہ کیا۔

انہوں نے مزید بتایاکہ دو ہزارفٹ کی بلندی تک پہنچنے پربھی جہاز کا لینڈنگ گیئر بند نہیں ہوسکا جس کے سبب طیارے کو واپس اتارا گیا۔

ذرائع کے مطابق کراچی اور لاہور کے ہوٹلوں نے پی آئی اے کے عملے کو قیام کی سہولتیں فراہم کرنے سے انکار کردیا جس کی وجہ کئی ماہ سے پی آئی اے کی جانب سے واجبات کی عدم ادائیگی ہے۔

دوسری جانب پی آئی اے کا عملہ بھی اس صورتحال سے کافی دلبرداشتہ ہے اورانہوں نے اپنے اسٹیشن اسلام آباد پہنچ کر انتظامیہ سے احتجاج بھی کیا۔

ملازمین کا کہنا ہے کہ انہیں گزشتہ ماہ کی تنخواہ ابھی تک نہیں ملی ہے اورسات ماہ سے انکے الاؤنس بھی رکے ہوئے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top