پی آئی اے کے پائلٹس نے ہڑتال ختم کردی -
The news is by your side.

Advertisement

پی آئی اے کے پائلٹس نے ہڑتال ختم کردی

کراچی : پی آئی اے کے پائلٹوں کی تنظیم پالپا نے انتظامیہ کی جانب سے واجبات کی پچاس فیصد ادائیگی کی یقین دہانی کے بعد ہڑتال ختم کردی ہے۔

          پالپا اور پی آئی اے انتظامیہ کے درمیان واجبات کی ادائیگی پر شروع ہونے والا تنازع مذاکر ات کے بعد بالاآخر اپنے انجام کو پہنچ گیا، پی آئی اے منیجمنٹ کی جانب سے واجبات کی پچاس فیصد ادائیگی کی یقین دہانی پر ہڑتال ختم کردی ہے۔

پالپا کے صدر عامرہاشمی نے ہڑتال ختم کرنے کی تصدیق کرتے ہوئے کہا کہ پالپا نے منیجمنٹ کی جانب سے کرائی جانے والی یقین دہانی کے بعد ہڑتال ختم کی ۔ پی آئی اے انتظامیہ کے مطابق ہڑتال کے باعث قومی ایئرلائن کو یومیہ کروڑوں روپے کا نقصان ہوا۔

کوپن ہیگن، اوسلو ، بارسلونا اور دبئی کی پروازیں منسوخ ہونے سے سات سو پچاس سے زائد مسافرمختلف ہوٹلوں میں پی آئی اے کے خرچے پر ٹھہرایا گیا تھا جبکہ اندرون ملک بھی متعدد پروازیں متاثر ہوئیں۔ پی آئی اے کا حج آپریشن بھی ہڑتال سےمتاثر ہوا۔

Comments

comments

یہ بھی پڑھیں