The news is by your side.

Advertisement

پی ایس ایل کے سیمی فائنل میں آج پشاور اور اسلام آباد کے درمیان ہوگا

دبئی: پاکستان سپر لیگ میں کوئٹہ گلیڈی ایٹرز سے فائنل کون کھیلے گا، فیصلہ آج اسلام آباد یونائیٹڈ اور پشاور زلمے کے درمیان ناک آؤٹ میچ میں ہوگا۔

پی ایس ایل کی دوسری فائنسلٹ ٹیم کا فیصلہ آج دبئی میں ہوجائے گا، شاہد آفریدی کی پشاور زلمی ایک اور موقع ملنے کے بعد ناک آؤٹ میچ میں مصباح الحق کی اسلام آباد یونائیٹڈ کے مدمقابل آئے گی دونوں ٹیموں کیلئے میچ ڈو اینڈ ڈائی۔

پہلے پلے آف میں پشاور زلمی اور کوئٹہ کے درمیان سنسنی خیز مقابلہ ہوا تھا، پشاور کی ٹیم صرف ایک رن سے ناکام رہی تھی، ادھر اسلام آباد یونائیٹڈ نے کراچی کنگز کے خلاف کامیابی حاصل کرکے فائنل تک رسائی کی امیدوں کو روشن رکھا۔

لیگ کے پہلے مرحلے کے دونوں میچز میں پشاور زلمی نے اسلام آباد یونائیٹڈ کو زیر کیا تھا۔ اب کسی ٹیم کے پاس غلطی کی گنجاش نہیں ہوگی،جیتو فائنل میں جگہ بناؤ، یا ہارو اور گھر واپس آؤ، اب دیکھنا یہ ہے کہ پاکستان کی پہلی سپر لیگ کا سپر فائنل کون کھیلتا ہے۔

Print Friendly, PDF & Email

Comments

comments

یہ بھی پڑھیں