site
stats
کھیل

پی سی بی کا یونس خان کو شوکاز نوٹس دینے کا فیصلہ

 لاہور: قومی کرکٹ ٹیم کے سابق کپتان یونس خان کی میڈیا سے گفتگو کےبعد پاکستان کرکٹ بورڈ نے یونس خان کی جانب سے سلیکٹرز اور بورڈ پر تنقید کرنے کے بیان کا سختی سے نوٹس لے لیا ہے اور سابق کپتان کودوسری مرتبہ  شو کاز نوٹس جاری کرنے کا فیصلہ کیا گیا ہے۔

تفصیلات کے مطابق یونس خان نے صحافیوں سے گفتگو کے دوران  قومی ون ڈے ٹیم میں سلیکٹ نہ ہونے پر سلیکٹرزاوربورڈ کو آڑے ہاتھوں لیا تھا جس پرپاکستان کرکٹ بورڈ نے یونس خان کے بیان پر نوٹس لیا ہے۔

پی سی بی کے ترجمان کا کہنا ہے کہ پی سی بی یونس خان کے بیان کا جائزہ لے رہا ہے۔ ترجمان نے کہا کہ یونس خان کو پہلے بھی متنبہ کیا گیا تھا کہ میڈیا پر بیان بازی نہ کریں۔

پی سی بی ترجمان نے مزید کہا کہ یونس خان مسلسل سینٹرل کانٹریکٹ کی خلاف ورزی کررہے ہیں جس پر ان کے خلاف کارروائی کی جاسکتی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top