پی ٹی آئی اراکین کی اسمبلی رکنیت آئین و قانون کی مرہون منت ہے،اسد عمر -
The news is by your side.

Advertisement

پی ٹی آئی اراکین کی اسمبلی رکنیت آئین و قانون کی مرہون منت ہے،اسد عمر

اسلام آباد : پاکستان تحریک انصاف کے رہنماء اسد عمر نے کہا ہے کہ قومی اسمبلی کی رکنیت کسی جماعت کی نہیں آئین و قانون کی مرہون منت ہے،پی ٹی آئی ارکان کوڈی سیٹ کئے جانے سے متعلق جو فیصلہ ہو گا قبول کریں گے۔

تفصیلات کے مطابق اسلام آباد میں پریس کانفرنس کرتے ہوئے اسد عمر نے کہا کہ اسمبلی کی یاد میں بے حال ہو کر ایوان میں واپس نہیں گئے تھے بلکہ حکومت اور اپوزیشن کی مہینوں سر توڑ کوششوں اور اصرار کے باعث قومی اسمبلی گئے۔

جبکہ اسمبلی میں واپسی کے لئے حکومت اور پی ٹی آئی کے مابین باقاعدہ معاہدہ طے پایا تھا۔

انہوں نے کہا کہ اسمبلی کی رکنیت آئین و قانون کی مرہون منت ہے،پی ٹی آئی ارکان کوڈی سیٹ کئے جانے سے متعلق جو فیصلہ ہو گا قبول کریں گے۔

اس موقع پر اسد عمر نے پی ٹی آئی کی جانب سے مفت قانونی معاونت سروس کا آغاز بھی کیا۔سروس کے تحت پی ٹی آئی کے وکلاء اسلام آباد کے ان رہائشیوں کو مفت قانونی معاونت فراہم کرے گاجو وکلاء کی بھاری بھر کم فیسیں برداشت نہیں کر سکتے۔

Comments

comments

یہ بھی پڑھیں