پی ٹی آئی پنجاب کے سابق صدراحسن رشید کی نمازِجنازہ و تدفین -
The news is by your side.

Advertisement

پی ٹی آئی پنجاب کے سابق صدراحسن رشید کی نمازِجنازہ و تدفین

لاہور: تحریک انصاف پنجاب کے سابق صدر احسن رشید کو لاہور میں سپردخاک کردیا گیا، نماز جنازہ میں عمران خان سمیت پارٹی کے دیگر رہنماؤں نے شرکت کی۔ تحریک انصاف پنجاب کے سابق صدر احسن رشید کافی عرصے سے کینسر کے مرض میں مبتلا تھے وہ گزشتہ شب قضائے الہی سے انتقال کر گئے۔

مرحوم کی نمازجنازہ میں عمران خان ، شاہ محمود قریشی، جہانگیر ترین ،اعجاز چودھری، خورشید قصوری ،میاں محمود الرشید اور فرید پراچہ سمیت دیگر نے شرکت کی۔

میڈیا سے گفتگو کرتے ہوئے عمران خان نےکہا کہ احسن رشید تحریک انصاف کے فاؤنڈر ممبر تھے انکا انتقال پارٹی کے لیے بڑا نقصان ہے، مرحوم مستقل مزاج تھے اور کڑے وقت میں انکے ساتھ کھڑے رہے۔

انہوں نے کہا کہ احسن رشید کا شوکت خانم اسپتال کے قائم رہنے میں بڑا کردار ہے جب مسلم لیگ ن نے فنڈز روکے تو احسن رشید نے اسپتال کو چلانے کے لیے خدمات انجام دیں۔

ایک سوال کے جواب میں انہو ں نے کہا کہ تیس نومبر کو لازمی اسلام آباد جائیں گے پکڑ دھکڑ اور اوچھے ہتھکنڈے ہمارا راستہ نہیں روک سکتے۔

عمران خان نے کہا کہ محمد زبیر پرائیوٹائزیشن کمشین کے چئیرمین ہیں انہیں زیب نہیں دیتا کہ وہ دوسروں پر جھوٹے الزامات لگائیں، محمد زبیر خاندانی آدمی ہیں کسی پر بے بنیاد الزامات لگانے سے پہلے انہیں سوچنا چاہئے۔

Comments

comments

یہ بھی پڑھیں