لاہور : لاہور ہائی کورٹ نے تحریک انصاف کے رہنماؤں کو ہراساں کرنے اور کارکنوں کی گرفتاری سے پولیس کو روک دیا، عدالت نے پکڑ گئی موٹرسائیکلیں بھی فوری واپس کرنے کا حکم دیا ہے
تحریک انصاف نے گرفتاریوں اور موٹرسائیکلوں کی پکڑ دھکڑ کے خلاف لاہور ہائی کورٹ سے رجوع کیا تھا، عدالت نے فریقین کو سُننے کے بعد حکم دیا کہ سیاسی سرگرمیوں اور پرامن احتجاج پر کوئی گرفتاری نہیں کی جائے۔
تمام کارکنوں کی پکڑگئی تمام موٹرسائیکلیں فوری طور پر واپس کردی جائیں، عدالت نے قرار دیا کہ صرف موٹروہیکل آرڈیننس کی خلاف ورزی پر ہی موٹرسائیکلیں پکڑی جاسکتی ہیں۔
ایڈووکیٹ جنرل پنجاب نے عدالت کو یقین دہانی کرائی کہ صوبائی حکومت کارکنوں کی گرفتاری یا موٹرسائیکلوں کی پکڑدھکڑ نہیں کرے گی۔
