site
stats
پاکستان

پی ٹی آئی کا سینیٹ انتخابات میں حصہ لینے پر غور

اسلام آباد: پی ٹی آئی نے سینٹ انتخابات میں حصہ لینے پر غور شروع کر دیا گیا ہے، شاہ محمود قریشی کی سر براہی میں تین رکنی کمیٹی قائم کردی گئی۔

الیکشن کمیشن کی جانب سے سینیٹ کے انتخابات کے شیڈول جاری کرنے کے بعد تمام سیاسی جماعتوں میں سینیٹ کے انتخابات کیلئے چرچا شروع ہوگیا ہے۔

پی ٹی آئی نے بھی سینیٹ کے انتخابات کیلئے کمیٹی قائم کردی ہے، کمیٹی اپنی سفارشات کور کمیٹی کے آئندہ اجلاس میں پیش کریگی، کور کمیٹی کا آئندہ اجلاس عمران خان کے عمرے سے لوٹنے پر ہوگا۔

پی ٹی آئی نے اسمبلیوں میں واپسی کا گرین سنگل بھی دیدیا، اسمبلیوں میں واپسی عدالتی کمیشن کے قیام سے مشروط کر دی جائیگی۔

گزشتہ روز الیکشن کمیشن کی جانب سے سینیٹ کی خالی باون نشستوں پر انتخابات کا شیڈول جاری کردیا گیا ہے، انتخابات تین مارچ کو ہوں گے، الیکشن کمیشن کے مطابق بیلٹ پیپرز کی چھپائی کا عمل مکمل کر لیا گیا ہے۔

الیکشن کمیشن کے مطابق امیدواروں کی کاغذات نامزدگی کی وصولی بارہ اور تیرہ فروری کو ہوگی جبکہ کاغذات کی جانچ پڑتال کا عمل سولہ اور سترہ فروری کو ہوگا، امیدوار 25 فروری تک اپنے درخواست فارم واپس لیتے ہوئے دستبردار ہوسکتے ہیں۔

الیکشن کمیشن کا کہنا ہے امیدواروں کی حتمی فہرست پچیس فروری کو جاری کر دی جائے گی، وفاق اور فاٹا کی نشستوں پر پولنگ پارلیمنٹ ہاؤس اسلام آباد میں ہوگی جبکہ خالی ہونیوالی صوبوں کی نشستوں پر پولنگ متعلقہ صوبائی اسمبلیوں میں ہوگی۔

یاد رہے کہ سینیٹ کے 52 ارکان 11 مارچ کو ریٹائرڈ ہورہے ہیں، جن میں چیئرمین سینیٹ نیئر بخاری سمیت پیپلزپارٹی کے اکیس، مسلم لیگ ن کے آٹھ ، اے این پی کے چھ ، ایم کیو ایم اور جے یو آئی کے تین تین اور بی این پی عوامی کے دو سینٹر شامل ہیں جبکہ ق لیگ، نیشنل پارٹی اور پختونخوا ملی عوامی پارٹی کے ایک ایک سینیٹر بھی ریٹائر ہوجائیں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top