site
stats
اہم ترین

پی ٹی آئی کے قافلے پر حملہ، پومی بٹ سمیت 9افراد کی رہائی کا حکم

گوجرانوالہ: پی ٹی آئی کے قافلے پر حملہ کرنے کے الزام میں مسلم لیگی ایم پی اے عمران خالد بٹ کے بھائی سلمان خالد عرف پومی بٹ سمیت نو افراد کو ایک ایک لاکھ کے مچلکوں پر رہائی کا حکم دے دیا گیا۔

پاکستان تحریک انصاف کے قافلے پر حملہ کرنے کے الزام میں مسلم لیگی ایم پی اے عمران خالد بٹ کے بھائی سلمان خالد عرف پومی بٹ کو نو افراد سمیت سول جج شہریار کی عدالت میں پیش کیا گیا، جن کو فاضل جج نے ایک ایک لاکھ کے مچلکوں پر رہائی کا حکم دے دیا۔

گذشتہ روز جب پاکستان تحریک انصاف کا آزادی مارچ گوجرانوالہ سے گزر رہا تھا تو اس دوران مسلم لیگ کے کارکنوں نے ان پر پتھراو کیا گیا، جس کا الزام پی ٹی آئی کی طرف سے ایم پی اے عمران خالد بٹ کے بھائی سلمان خالد عرف پومی بٹ پر لگایا گیا ،جس پر سلمان خالد عرف پومی بٹ ان اپنے نو ساتھیوں سمیت گذشتہ رات تھانہ سبزی منڈی میں پیش ہو کر گرفتاری دے دی تھی۔

آج جب سلمان خالد عرف پومی بٹ کو عدالت پیش کیا گیا تو عدالت نے نو افراد کو ایک ایک لاکھ کے مچلکوں پر رہا کردیا گیا ہے ،پومی بٹ کی رہائی کے بعد پی ٹی آئی نے شدید تحفظات کا اظہار کیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top