پی ٹی آئی کا جلسہ ناکام بنانے کی کوشش، حکومت نے کمر کس لی -
The news is by your side.

Advertisement

پی ٹی آئی کا جلسہ ناکام بنانے کی کوشش، حکومت نے کمر کس لی

اسلام آباد: پی ٹی آئی کا جلسہ ناکام بنانے کیلئے حکومت نے کارکنوں کی پنجاب میں پکڑدھکڑ کی منصوبہ بندی کرلی ہے اور اسلام آباد کو کنٹینر سٹی بنانے کے بعد واٹرکینن بھی تیارکرلی گئی ہیں۔

تفصیلات کے مطابق تیس نومبر کا بخار حکومت کے سر پر سوار ہوگیا ہے۔ ٹائیگرز کاراستہ روکنے کیلئے حکومت کی جانب سے طرح طرح کی تدابیر کی جارہیں ہیں۔ شہر اقتدار کو کنٹینر سٹی بنا کر بھی اطمینان نہ ہوا تو حکومت نے پکڑدھکڑ کی منصوبہ بندی کرلی ہے۔

آئی جی پنجاب کے حکم پر پی ٹی آئی کے تمام اضلاع میں سرگرم کارکنوں اور مقامی قیادت کی فہرستیں تیار کی جارہی ہیں۔ ٹرانسپورٹرز پرگاڑیاں فراہم نہ کرنے کیلئے دباؤ ڈالا جارہا ہے۔

نارووال پولیس نےکارکنوں کو چار کیٹیگریز میں تقسیم کرکے قیادت کی کیٹگری سے چار اور موبلائزر کی کیٹگری میں تین کارکن گرفتار کرلیے ہیں۔ تمام تر اقدامات کے باوجود پی ٹی آئی کے کارکن اسلام آباد پہنچے کو ہیں تیار اور جلسے کی بھی تیاریاں عروج پر ہیں۔

وزارت داخلہ کے ذرائع کا کہنا ہے کہ ریڈزون میں تعینات اہلکاروں سے اسلحہ تو واپس لیے لیا گیا ہے لیکن ہنگامہ آئی پر واٹرکینن، لاٹھی چارج اور شیلنگ کے ساتھ ربرکی گولیاں استعمال ہوسکتی ہیں۔ پی ٹی آئی نے اسلام آباد میں دفعہ ایک سو چوالیس کا نفاذ بھی ہائیکورٹ میں چیلنج کردیاہے۔ کون ہوگا کامیاب، تیس نومبرکو ہے حکومت اورپی ٹی آئی دونوں کا امتحان ہے۔

Comments

comments

یہ بھی پڑھیں