کراچی :گرمی سے اموات کے باعث تحریک انصاف نے حکومت سندھ اور کےالیکٹرک کیخلاف مقدمے کرنے کا فیصلہ کرلیا ہے، مقدمہ عمران اسماعیل کی مدعیت میں درج ہوگا۔
کراچی میں قیامت خیزگرمی اور کے الیکٹرک کی مبینہ غفلت کے باعث سینکڑوں انسانی جانیں لقمہ اجل بن گئیں، پاکستان تحریک انصاف نے حکومت سندھ کی نااہلی اور کے الیکٹرک کی مبینہ غفلت پر مقدمہ دائر کرنے کا فیصلہ کیا ہے۔
پی ٹی آئی کے رہنماعمران اسماعیل کا کہنا ہے کہ حکومت سندھ نے بھرپور نااہلی کا ثبوت دیا، عمران اسماعیل نے حکومت سندھ کے ساتھ کے الیکٹرک کو بھی اموات کا ذمہ دارقراردیا۔
تحریک انصاف کے فیصلے پر ڈپٹی اسپیکر سندھ اسمبلی شہلا رضا نے شدید تنقید کرتے ہوئے کے الیکٹرک کو صورتحال سے بری الذمہ قراردیا، ڈپٹی اسپیکرشہلارضاکامؤقف تھا کہ حکومت نے کوئی غفلت نہیں برتی، بیس دن پہلے ہی اسپتالوں کو ادویات فراہم کردی تھیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں