پی ٹی آئی کے تین ہزارکارکن اڈیالہ جیل منتقل -
The news is by your side.

Advertisement

پی ٹی آئی کے تین ہزارکارکن اڈیالہ جیل منتقل

اسلام آباد: پولیس نےجڑواں شہروں سےگرفتار پاکستان تحریک ِ انصاف کے تین ہزار سے زائد کارکنوں کواڈیالہ جیل منتقل کردیا۔

پاکستان تحریک انصاف کے پرامن دھرنے کوایک ماہ ہی عرصہ گزرا کہ حکومت کی بے چینی میں اضافہ ہوگیا ہے مذاکرات سے بھی دال نہ گلی تو حکومت نے اوچھے ہتھکنڈے اپنانا شروع کردئیے۔

اسلام آباداورراولپنڈی کی سڑکوں پرپولیس نے پاکستان تحریکِ انصاف کے کارکنان کی پکڑ دھکر کا سلسلہ شروع کر رکھا ہے۔ پی ٹی آئی کے دھرنےمیں میوزک کا اہتمام کرنےوالے ڈی جے بٹ سمیت تین ہزار ایک سو ستاسی کارکنان کو گرفتار کرکے نہ صرف اڈیالہ جیل منتقل کیا بلکہ جیل میں ہی مجسٹریٹ کے سامنے پیش کیا جارہا ہے۔

دلچسپ بات یہ ہے کہ حکومتی ارکان کا دعویٰ تھا کہ دھرے میں تین سے چار ہزار افراد ہیں اگر دھرنے میں شرکا کم ہیں تو تین ہزار افراد کہاں سے پکڑے؟ تین ہزار سے زائد کارکنان اڈیالہ جیل میں ہیں تو دیگر جیلوں میں کتنے لے جائے گئے؟

کیا طاہر القادری کا دعوی کا درست ثابت نہیں ہوتا کہ بیس سے پچیس ہزار کارکنان قید ہیں؟ کیا کنٹینرلگا کرحکومت نے شہر کو محصورنہیں بنایا؟۔

Comments

comments

یہ بھی پڑھیں