The news is by your side.

Advertisement

چمن: مال روڈ پر موٹرسائیکل میں نصب بم دھماکہ, 3افراد زخمی

چمن : مال روڈ پر موٹرسائیکل میں نصب بم دھماکے کے نتیجے میں تین افراد زخمی ہوگئے۔

سرحدی شہر چمن کے مصروف ترین شاہراہ مال روڈ پر تین روز کے وقفے کے بعد ایک اور موٹر سائیکل میں نصب بم دھماکہ ہوا، موٹر سائیکل میں نصب بم دھماکے سے سارا شہر لرز اٹھا، ایس ایچ او سٹی تھانہ شاہد سلیم کے مطابق مال روڈ پر ہوٹل اور موٹر سائیکل کی دوکان کے قریب موٹر سائیکل میں نصب بم دھماکہ اس وقت ہوا جب قریب سے ایک رکشہ گزر رہا تھا، جو اس کے ذد میں آگیا، جس میں سوار تین افراد شدید زخمی ہوگئے۔

پولیس اور لیویز فورس نے علاقے کو گھیرے میں لیکر زخمیوں کو ڈسٹرکٹ سول ہسپتال منتقل کردیا گیا، جہاں ڈاکٹروں کے مطابق ان کی حالت خطرے سے باہر بتائی جاتی ہے، دھماکے کے فوری بعد جائے وقوعہ پہنچنے والے پولیس اور لیویز اہلکاروں میں جگہ اے اور بی ایریا ڈیگلیر کرنے میں تھن گئی اور آدھے گھنٹے تک زبردست جملوں کے تبادلہ ہوا ۔

مال روڈ پاک افغان باڈر شاہراہ بھی ہے ، جس پر چھ اگست کو بھی ایک موٹر سائیکل میں نصب بم دھماکہ ہوا تھا، جس میں پولیس موبائل کو ٹارگٹ بنایا گیا تھا جس میں دو پولیس اہلکاروں سمیت بارہ افراد زخمی ہوئے تھے، سخت ترین سیکورٹی انتظامات کے باوجود پے درپے ہونے والے دھماکوں نے پولیس اور لیویز کی مشکلات میں اضافہ کردیا۔

Print Friendly, PDF & Email

Comments

comments

یہ بھی پڑھیں