چودہ اگست کوروانہ ہونیوالےآزادی اورانقلاب مارچ اسلام آباد پہنچ گئے -
The news is by your side.

Advertisement

چودہ اگست کوروانہ ہونیوالےآزادی اورانقلاب مارچ اسلام آباد پہنچ گئے

اسلام آباد:  چودہ اگست کی صبح لاہور سے روانہ ہونے والے آزادی اور انقلاب مارچ اسلام آباد پہنچ گئے،تیز بارش اور شدید طوفانی ہوائیں بھی کارکنان کا جوش وجذبہ کم نہ کرسکی۔

چودہ اگست کی صبحِ آزادی کو لاہور سے روانہ ہونے والے آزادی اور انقلاب مارچ مختلف شہروں سے ہوتے ہوئے شہر اقتدار اسلام آباد کی حدود میں داخل ہوگئے، آزادی اور انقلاب کے نعرے لگاتے تحریک انصاف اور عوامی تحریک کے کارکنان کا جذبہ ہر موڑ پر دیدنی رہا۔

راستے میں قافلوں پر پتھراؤ بھی کیا گیا، رکاوٹیں بھی کھڑی گئیں، یہاں تک کہ تیز بارش اور طوفانی ہوائیں بھی کارکنان کے پایہ استقلال میں جنبش پیدا نہیں کرسکیں۔

پاکستان عوامی تحریک نے بھی انتظامیہ سے مذاکرات کے بعد خیابان سہروردی میں انقلاب مارچ کے جلسے کے لئے تیاریاں شروع کردی ہیں، اس طرح آبپارہ کا علاقہ آزادی اور انقلاب مارچ کا محور رہے گا، آبپارہ کی ایک جانب تحریک انصاف اپنی قوت کا مظاہرہ کرے گی تو دوسری جانب عوامی تحریک ملک میں انقلاب کےلئے دھرنا دے گی۔

Comments

comments

یہ بھی پڑھیں