The news is by your side.

Advertisement

چوہدری برادران کا سانحہ ملتان پر جوڈیشل کمیشن بنانے کا مطالبہ

لاہور: مسلم لیگ ق کے رہنماء چوہدری شجاعت اور پرویزالہی نے سانحہ ملتان پرجوڈیشل کمیشن بنانے کا مطالبہ کردیا ہے۔

چوہدری برادران نے کہا ہے کہ کمیشن افسوسناک واقعے کے ذمہ داران کو قرار واقعی سزا دے، جلسےمیں لاکھوں افراد کی موجودگی کے باوجود مقامی انتظامیہ کی جانب سے ناکافی انتظامات کئے گئے۔

انھوں نے کہا کہ عوام کے ہجوم کیلئے صرف دو گیٹ کھولنا سمجھ سے بالاتر ہے، جس کی وجہ سے بھگدڑ مچی۔

پرویزالہی نے کہا انتظامیہ بتائے اسٹیڈیم کے تمام دروازے کیوں نہیں کھولے گئے، لوگوں کے باہر نکلتے وقت لائٹیں کیوں بند کی گئیں؟

چوہدری برادران نے واقعہ کا ذمہ دار ملتان اور حکومت پنجاب کی انتظامیہ کو قرار دیا ہے، چوہدری شجاعت نے کل عوامی تحریک کے فیصل آباد میں ہونے والے جلسے میں کارکنوں کو شرکت اور تعاون کی ہدایت کردی ہیں۔

Print Friendly, PDF & Email

Comments

comments

یہ بھی پڑھیں