site
stats
پاکستان

چوہدری رحمت علی کا جسد خاکی وطن لانےکی کوشش کریںگے، قمرزمان کائرہ

کراچی: پاکستان پیپلزپارٹی پارلیمنٹیرینز کے مرکزی سیکرٹری اطلاعات قمرزمان کائرہ نے کہا ہے کہ پاکستان کے نام کے خالق چوہدری رحمت علی کی جسد خاکی کو بر طانیہ سے پاکستان لانے کیلئے ہرممکن کو شش کی جائے گی، چوہدری رحمت علی پاکستانی عوام کے ماتھے کا جھومر ہیں۔

ایبٹ آباد میں انجمن گو جراں کنونشن کی تقریب سے خطاب میں قمرزمان کائرہ کا کہنا تھا کہ ذوالفقارعلی بھٹو نے مظلوم اورمحروم عوام کو زبان دی اور وڈیروں کے چنگل سے آزاد کروانے کیلئے کردار ادا کیا، سیاسی جماعت سیاسی کارکن کی ماں ہے اس کو مضبوط کرنے سےملک میں جمہوریت صحیح معنوں میں مضبوط ہوگی۔

ان کا کہنا تھا کہ پاکستان کو مضبوط اورترقی کی راہ پر گامزن کرنے کیلئے تعلیمی میدان میں ترقی کرنا ہوگی، قمرزمان کائرہ کا مزید کہنا تھا کہ گجر برادری نے دیگر اقوام کی طرح پاکستان کی ترقی میں اہم کردار ادا کرکے پوری دنیا میں پاکستان کا نام روشن کیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top