چھاپہ دہشتگردی کی کارروائی کے بعد مارا گیا، رینجرز -
The news is by your side.

Advertisement

چھاپہ دہشتگردی کی کارروائی کے بعد مارا گیا، رینجرز

کراچی: رینجرزحکام کا کہنا ہے کہ کارروائی منصوبہ بندی کے تحت نہیں بلکہ دہشتگردی کے واقعے کی بعد کی گئی، پوچھ گچھ کے بعد بے گناہ افراد کو چھوڑدیا جائے گا۔
گلشن معمار اسکیم تینتیس میں رینجرز نے ایم کیوایم کے دفتر پر چھاپہ مار کارروائی سے متعلق مؤقف اختیارکیا ہے کہ کارروائی منصوبہ بندی کے تحت نہیں دہشتگردی کے واقعےکے بعد کی گئی۔

ترجمان رینجرز کا کہنا ہے کہ سندھ رینجرز کی ٹیم رات آٹھ  بجے گلشن معمار پر معمول کے گشت پر تھی کہ ایک عمارت سے اہلکاروں پر فائرنگ کی گئی، جس کے بعد رینجرز حکام نے عمارت کا گھیراؤ کرکے کارروائی کی۔

رینجرز حکام کے مطابق آپریشن میں تیئس مشتبہ افراد کو حراست میں لے کر تفتیش کیلئے نامعلوم مقام منتقل کردیا گیا ہے، بے گناہ افراد کو تفتیش کے بعد چھوڑدیا جائے گا، ملزمان کے خلاف قانون کے مطابق کارروائی کی جائے گی۔

واضح رہے کہ گذشتہ روز کراچی کے علاقے گلشن معمار میں ایم کیوایم کے دفتر پر رینجرز نے کارروائی کرکے درجنوں کارکنان کو حراست میں لے لیا تھا ۔

Comments

comments

یہ بھی پڑھیں