site
stats
پاکستان

چیف آف انڈونیشین نیوی نے آج نیول ہیڈ کوارٹرزکا دورہ کیا

کراچی: چیف آف انڈونیشین نیوی ایڈمرل ڈاکٹر مارسیٹیو پاک بحریہ کے سربراہ کی دعوت پر پاکستان کے سر کاری دورے پر ہیں۔چیف آف انڈونیشین نیوی نے آج نیول ہیڈ کوارٹرز کا دورہ کیا۔

نیول ہیڈ کوارٹرز آمد پر چیف آف دی نیول اسٹاف ایڈمرل محمد ذکاء اللہ نے معزز مہمان کو خوش آمدید کہا۔ پاک بحریہ کے چاق وچوبند دستے نے معزز مہمان کو سلامی پیش کی۔

سلامی کے بعد نیول ہیڈکوارٹرز میں تعینات پرنسپل سٹاف آفیسرز سے چیف آف انڈونیشین نیوی کا تعارف کروایا گیا۔بعد ازاں ایڈمرل ڈاکٹر مارسیٹیو نے چیف آف دی نیول اسٹاف سے ملاقات کی، جس میں دونوں ہم منصبوں کے درمیان پیشہ ورانہ اُمور پر تفصیلی گفتگو ہوئی۔

دونوں ممالک کی نیول فورسز کے درمیان تعاون کے مختلف شعبوں پر بھی تفصیلی تبادلہ خیال ہوا۔ پاکستان اور انڈونیشیاء کی نیول فورسز کے درمیان باہمی تعلقات کو مزید مستحکم کرنے کے لئے چیف آف انڈونیشین نیوی ایڈمرل ڈاکٹر مارسیٹیوکی نمایاں خدمات اور قابل قدرکردار کے اعتراف میں انہیں حالیہ دورے میں پاکستان کے اعلیٰ عسکری ایوارڈ نشان امتیاز(ملٹری) سے نوازاگیاہے۔

ایڈمرل ڈاکٹر مارسیٹیو نے 1981 کوانڈونیشین نیوی میں شمولیت اختیار کی ۔ چیف آف انڈونیشین نیوی کے علاوہ آ پ کو کئی اہم عہدوں پر فائز رہنے کا اعزاز بھی حاصل ہے ۔

جن میں چیف آف دی انڈونیشین نیوی کے وائس اسسٹنٹ (پلاننگ اینڈبجٹنگ ، کمانڈر ملٹری سی لفٹ کمانڈ  ، کمانڈر ویسٹرن فلیٹ کمانڈ اوروائس چیف آف انڈونیشین نیوی کے عہدے شامل ہیں۔

ایڈمرل ڈاکٹر مارسیٹیو انڈونیشین نیول اکیڈمی کے گریجویٹ ہیں اور گاجاہ ماڈا یونیورسٹی یوگیاکارٹاسے ڈاکٹوریل کی ڈگری حاصل کی۔انڈونیشین نیول چیف کئی ملٹری ایواڑدز بھی حاصل کر چکے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top